काठमाडौं । काठमाडौंको थापाथलि क्षेत्रमा रहेका विभिन्न गाडिका सोरुम मङ्गलबार राति आन्दोलनकारीले गरेको आगजनीका कारण पूर्ण रूपमा जलेर नष्ट भएका छन्।

जेनजी आन्दोलनमा सहभागी युवाहरुले तोडफोड गर्दै हुन्डाई, टाटा, महिन्द्रा, सुजुकी, सिजी मोटर्सलगायतका कम्पनीका सोरुममा आगो लगाएका थिए। घटनामा लाखौँ रुपैयाँ बराबरको क्षति भएको अनुमान गरिएको छ।

सुरक्षा निकायले आगो नियन्त्रणमा लिन प्रयास गरे पनि अधिकांश सोरुमहरु पूर्ण रुपमा ध्वस्त भएको प्रहरीले जनाएको छ।