काठमाडौं। केई र फोर्थिङ ईभीको नेपालका लागि आधिकारिक वितरक लक्ष्मी ई–मोबिलिटीले पोखरामा नयाँ सोरुम उद्घाटन गरेको छ । नयाँ सोरुम सोमबारदेखि औपचारिक रूपमा सञ्चालनमा आएको हो । सोरुम उद्घाटनसंगै पोखरामा केई र फरथिङ ब्रान्डका नयाँ ईभीको बिक्री सुरु भएको छ ।

उद्घाटन समारोहका अवसरमा कम्पनीले विशेष प्रमोसन प्याकेज सार्वजनिक गरेको छ । यसमा आकर्षक नगद सुविधा, बोस इलेक्ट्रोनिक अप्लायन्सेस, एक वर्षको निशुल्क अटो प्लस बीमा र रोड–ट्याक्स प्याकेज, साथै प्रत्येक बुकिङमा एक रातको स्टे–प्याकेज समेत समावेश गरिएको छ ।

लक्ष्मी ई–मोबिलिटीले आफ्नो नयाँ सोरुममार्फत पोखराका ग्राहकलाई आधुनिक र दिगो इलेक्ट्रिक सवारीसाधनहरूको उच्चस्तरीय खरिद अनुभव उपलब्ध गराउने लक्ष्य राखेको छ । कम्पनीको यस पहलले वातावरणमैत्री र दिगो यातायात प्रवद्र्धनमा आफ्नो प्रतिबद्धता पनि सुदृढ बनाएको छ ।

कम्पनीले देशभर ६३ भन्दा बढी चार्जिङ तथा रिपेयर स्टेशनको सञ्जाल विस्तार गरिसकेको छ । जसले ग्राहकलाई सहज चार्जिङ सुविधा र विश्वसनीय सेवा उपलब्ध गराउँदै नेपालको इभी पूर्वाधारलाई मजबुत बनाएको छ ।

पोखरामा नयाँ शो–रुमको उद्घाटनले बढ्दो ईभी मागलाई ध्यानमा राख्दै ग्राहकसँग थप नजिक पुग्ने अवसर प्रदान गरेको कम्पनीले जनाएको छ । लक्ष्मी ई–मोबिलिटीले सबै इच्छुक ग्राहकलाई नयाँ सुविधा अवलोकन गर्न र नेपालको इलेक्ट्रिक मोबिलिटीको नयाँ अध्याय अनुभव गर्न हार्दिक आमन्त्रण गरेको छ ।