काठमाडौँ । सरकारले मंसिर १५ गते सोमबार बसेको मन्त्रिपरिषद् बैठकका निर्णयहरू सार्वजनिक गरेको छ। बैठकले कुल २७ वटा निर्णय गरेको सरकारका प्रवक्ताले जानकारी दिएका छन्।

बैठकको प्रमुख निर्णयमध्ये जेन–जी आन्दोलनका क्रममा ज्यान गुमाएका सहिदहरूका परिवारलाई फोटोसहितको परिचयपत्र प्रदान गर्ने निर्णय उल्लेखनीय छ। साथै, हरेक वर्ष भदौ २३ गतेलाई ‘जेन–जी सहिद दिवस’ का रूपमा मनाइने सरकारले घोषणा गरेको छ।

यसैगरी, बैठकले राष्ट्रिय आर्थिक गणना २०८२ सञ्चालनका लागि आवश्यक प्रशासनिक तथा आर्थिक मापदण्ड स्वीकृत गरेको छ। यससँगै विभिन्न आयोजनाहरू अघि बढाउने, कानुनी प्रावधान परिमार्जन गर्ने तथा मन्त्रालयगत कार्यान्वयन सम्बन्धी अन्य निर्णयहरू पनि गरिएको सरकारको भनाइ छ।

सरकारले बाँकी निर्णयहरूको कार्यान्वयन सम्बन्धित मन्त्रालयमार्फत छिट्टै अघि बढाइने जनाएको छ।