काठमाडौं । रिभोल्ट मोटरसाइकलको नेपालका लागि आधिकारिक वितरक एमभी दुगड ग्रुप ले नाइमा विशेष अफर सार्वजनिक गरेको छ। अफर अनुसार ग्राहकले रिभोल्टका इलेक्ट्रिक मोटरसाइकल केवल ३० प्रतिशत डाउनपेमेन्टमै खरिद गर्न सक्नेछन्। साथै, कम्पनीले रू. १०,००० नगद छुट पनि दिनेछ।

बाँकी ७० प्रतिशत रकम ५.९९% ब्याजदरमा सहज किस्ताबन्दीमार्फत भुक्तानी गर्न सकिनेछ। यस स्किमअन्तर्गत लोन प्रोसेसिङ शुल्क नलिई ३० मिनेटमै कर्जा स्वीकृत गरेर मोटरसाइकल डेलिभरी दिने कम्पनीको दाबी छ।

रिभोल्टका पाँच मोडलहरू नेपाली बजारमा उपलब्ध छन् — RV 400, RV 400 BRZ, BlazeX, RV 1, र RV 1 Plus। मूल्य रू. २,९९,००० देखि सुरु हुन्छ। RV 1 मा २.२ kWh ब्याट्री र २.८ kW मोटर जडान गरिएको छ, जसले सिंगल चार्जमा १०० किमी रेन्ज दिन्छ।

अन्य चार मोडलमा ३.२४ kWh ब्याट्री र ४.१ kW मोटर जडान गरिएको छ, जसले ११५ किमी रेन्ज र ८५ km/h टप स्पिड प्रदान गर्छ। भारतको सबैभन्दा ठूलो ईभी मोटरसाइकल ब्रान्डका रूपमा परिचित रिभोल्ट भारतमा सफल भएकै कारण नेपालमा पनि उपयुक्त हुने कम्पनीको विश्वास छ। बिक्रीपछिको सेवा र स्पेयर पार्ट्स भारतबाट सहजै उपलब्ध हुने भएकाले नेपालमा ढुक्क भएर चलाउन सकिने कम्पनीका सेल्स एन्ड सर्भिस हेड दीपक कुमार झाको भनाइ छ।